İraqda təhlükəli İŞİD lideri zərərsizləşdirildi
İraqın baş naziri Məhəmməd Şia əl-Sudani ölkənin kəşfiyyat orqanlarının həyata keçirdiyi xüsusi əməliyyat nəticəsində İŞİD-in yüksək rütbəli komandirlərindən biri olan Abdullah Məkki ər-Rafiinin öldürüldüyünü açıqlayıb.
Crossmedia.az-ın xəbər xəbərinə görə, baş nazir "X" sosial şəbəkəsindəki paylaşımında bildirib ki, əməliyyat İraq Milli Kəşfiyyat Təşkilatı, Birgə Əməliyyat Komandanlığı və Beynəlxalq Koalisiya Qüvvələrinin koordinasiyası ilə həyata keçirilib.
Onun sözlərinə görə, Rafiinin İraq və dünya üçün ciddi təhlükə yaradan terrorçulardan biri olduğu vurğulanıb.
Qeyd edək ki, İŞİD 2014-cü ildə İraqın Mosul, Səlahəddin və Ənbar vilayətlərini, həmçinin Diyalə və Kərkük vilayətlərinin bir hissəsini nəzarətə götürmüşdü.
2017-ci ilin dekabrında İraq hökuməti İŞİD üzərində qələbə çaldığını elan etsə də, təşkilatın qalıqları hələ də regionda təhlükəsizlik təhdidləri yaratmağa davam edir.
Aybəniz Səfərova
21:22 14.03.2025
Oxunuş sayı: 7329
