Ağ Ev: Ukraynada sülh heç vaxt bu qədər yaxın olmayıb
Ağ Ev Ukrayna böhranının həlli ilə bağlı aparılan son müzakirələri məhsuldar hesab edir.
Crossmedia.az xəbər verir ki, bu barədə TASS məlumat yayıb.
Ağ Evin mətbuat katibi Kerolayn Livittin sözlərinə görə, beynəlxalq ictimaiyyət heç vaxt bu qədər sülhə yaxın olmayıb.
“Dünən ABŞ və dünya üçün sülhün əldə olunması baxımından çox məhsuldar gün idi. Biz heç vaxt bu qədər sülhə yaxın olmamışdıq”, – Livitt bildirib.
ABŞ Prezidenti Donald Tramp da Rusiya Prezidenti Vladimir Putinlə "çox yaxşı və məhsuldar" söhbət etdiyini yazıb.
Bundan əvvəl Rusiya Prezidentinin mətbuat katibi Dmitri Peskov Vladimir Putinin gec saatlarda ABŞ Prezidentinin xüsusi elçisi Stiven Uitkoffu qəbul etdiyini açıqlayıb.
Peskov görüşdə hansı mövzuların müzakirə edildiyini açıqlamasa da, Uitkoffun Rusiya liderindən Amerika tərəfinə məlumat çatdırdığını bildirib.
Qeyd edək ki, martın 12-də Ağ Evin mətbuat katibi Livitt xüsusi elçinin Moskvaya Ukrayna münaqişəsinin həlli ilə bağlı müzakirələr aparmaq üçün yola düşdüyünü bildirib.
20:20 14.03.2025
Oxunuş sayı: 10159
