Xarici xəbərlər
Türkiyədə İran kəşfiyyatı ilə əlaqəli 5 casus tutulub
Türkiyənin Milli Kəşfiyyat Təşkilatı (MİT) və İstanbul Baş Prokurorluğunun birgə əməliyyatı zamanı İran kəşfiyyatına məlumat ötürən 5 nəfər casus saxlanılıb.
Crossmedia.az Yeni Şafak qəzetinə istinadən xəbər verir ki, saxlanılan şəxslərin İran İnqilab Keşikçiləri Korpusunun kəşfiyyat əməkdaşları ilə əlaqədə olduqları müəyyən edilib. Onların Türkiyədəki hərbi bazalar və strateji obyektlər haqqında məlumat topladığı bildirilib.
Əməliyyat çərçivəsində üç nəfər İstanbulda, iki nəfər isə Mersin və Antalyada tutulub. Hazırda istintaq davam etdirilir.
Mədinə Cəlilova
18:04 14.03.2025
Oxunuş sayı: 7285
