Britaniya və Rusiya arasında diplomatik gərginlik artır
Britaniya və Rusiya arasında diplomatik gərginlik artır.
Crossmedia.az xəbər verir ki, bu barədə xarici KİV məlumat yayıb.
Bildirilib ki, diplomatik qarşıdurma çərçivəsində hər iki ölkənin səfirlik heyətlərinin sayı azalmaqdadır. Müharibənin başlanmasından bəri qarşılıqlı qovulmalar nəticəsində Britaniyanın Moskvadakı səfirliyinin heyəti ən azı 10 nəfər azalıb. Hər iki ölkə artıq bir-birinin paytaxtında hərbi attaşe saxlamır.
Rusiya iki Britaniya diplomatını casusluq ittihamı ilə ölkədən çıxarıb. London bu ittihamları əsassız adlandıraraq cavab olaraq bir rusiyalı diplomatı və onun həyat yoldaşını qovub.
Rusiya Xarici Kəşfiyyat Xidməti (SVR) Britaniyanı “müharibə təhrikçisi” adlandırıb və onu ABŞ-ın Rusiya-Ukrayna sülh səylərinə mane olmaqda ittiham edib.
Britaniya Baş naziri Keir Starmerin Ukraynaya dəstək mesajları və mümkün sülhməramlı missiyada iştirak ehtimalı Moskvanın narazılığına səbəb olub. Diplomatik qarşıdurma fonunda hər iki ölkə qarşılıqlı olaraq səfirlik heyətlərini azaldır.
Britaniya Xarici İşlər Nazirliyi çərşənbə günü verdiyi bəyanatda, “Rusiya dövləti açıq şəkildə Britaniyanın Moskvadakı səfirliyinin bağlanmasına çalışır”, – ifadələrini işlədib.
Mədinə Cəlilova
17:10 14.03.2025
Oxunuş sayı: 8505
