Bakıda keçirilən Beynəlxalq Forum Azərbaycan üçün nə vəd edir?- AÇIQLAMA
Müasir dünyada baş verən sürətli dəyişikliklər və qlobal problemlər ölkələr arasında əməkdaşlığı və birgə həll yollarını tapmağı daha vacib edir. Məhz bu məqsədlə Nizami Gəncəvi Beynəlxalq Mərkəzinin təşkilatçılığı ilə XII Qlobal Bakı Forumu keçirilir. Bu il forumda əsas mövzu “Dünya düzəninin yenidən düşünülməsi: Çağırışların fürsətə çevrilməsi” olacaq. Dünyanın müxtəlif ölkələrindən tanınmış siyasətçilər, ekspertlər və alimlər bir araya gələrək qlobal problemləri müzakirə edəcək, onların həlli yollarını axtarırlar.
Forumda münaqişədən sonra quruculuq işləri, dünya siyasətindəki dəyişikliklər, BMT-nin gələcək rolu, sülh və təhlükəsizlik, iqlim dəyişikliyi və səhiyyə kimi vacib mövzular müzakirə ediləcək. Bakı isə bir daha beynəlxalq əməkdaşlıq üçün önəmli mərkəz kimi çıxış edəcək və dünyanı narahat edən problemlərin həllində yeni ideyaların ortaya çıxmasına şərait yaradacaq.
Bakıda keçirilən qlobal forumla bağlı Crossmedia.az-a danışan Milli Məclisin deputatı Fazil Mustafa bildirib ki, Bakıda bu cür forumlar dəfələrlə keçirilib: "Bu, ölkənin tanıtımı baxımından çox önəmlidir və burada əsasən dünyanın vacib məsələləri, iqlim məsələsindən tutmuş miqrasiya və müharibə məsələlərinə qədər bir çox ağrılı problemlər müzakirə olunur. Azərbaycanın bu cür tədbirlərə ev sahibliyi etməsi olduqca faydalıdır".
Deputat həmçinin qeyd edib ki, Azərbaycanın tanıtımı, ölkənin gələcəyi baxımından da çox önəmlidir.
Fatimə Məmmədova
15:50 13.03.2025
Oxunuş sayı: 12028
