Argentinada güclü daşqınlar: Ölənlərin sayı artır
Argentinanın Buenos-Ayres əyalətinin Bahia Blanca şəhərində leysan yağışların səbəb olduğu daşqınlar nəticəsində ölənlərin sayı 10-a çatıb. Rəsmilər itkilərin artacağını istisna etmir.
Crossmedia.az xarici mediaaya istinadən xəbər verir ki, şəhərdə körpülər və yolların dağıldığı, bəzi avtomobillərin sel sularının altında qaldığı bildirilir.
Xilasetmə işlərinə bələdiyyə qrupları, əyalət hökuməti, donanma və Argentina ordusu cəlb edilib.
Argentina iqtisadiyyat naziri Luis Kaputo hökumətin 300 min əhalisi olan Bahia Blanca şəhərinə 10 milyard peso (9,2 milyon dollar) maliyyə yardımı göstərəcəyini açıqlayıb.
Prezident Javier Milei güclü yağışlardan sonra baş verən genişmiqyaslı daşqınlarla əlaqədar Mendoza əyalətindəki proqramlarını ləğv edib. Şəhərdə bəzi yaşayış evləri və sağlamlıq mərkəzləri üçün evakuasiya əmri verilib.
Ağacların aşması nəticəsində minlərlə insan işıqsız qalıb.
Aybəniz Səfərova
04:45 09.03.2025
Oxunuş sayı: 11283
