İran Türkiyəni və digər ölkələri Suriyaya müdaxilədə ittiham etdi
İranın xarici işlər naziri Ərakçi bəyan edib ki, Suriyada baş verən hadisələr birbaşa Türkiyə və digər ölkələrin müdaxiləsi nəticəsində gerçəkləşib:
"Suriyada baş verən hadisələrin Türkiyə və bir sıra digər dövlətlərin birbaşa müdaxiləsi nəticəsində gerçəkləşdiyinə heç bir şübhə yoxdur.
Bu gün yaşanan problemlər – İsrailin Suriya ərazilərinin kütləvi şəkildə işğalı və Suriyanın müdafiə və elmi infrastrukturunun tamamilə məhv edilməsi – təbii ki, məhz həmin dəyişiklikləri başladan və onlara töhfə verənlərin məsuliyyətidir."
Ərakçi həmçinin vurğulayıb ki, İranın nüvə proqramını hərbi əməliyyatla məhv etmək mümkün deyil:
"Birincisi, nüvə texnologiyası mütəxəssislərin beynindədir və insan beynini bombalamaq mümkün deyil. İkincisi, İranın nüvə obyektləri ölkənin müxtəlif bölgələrində yerləşir və güclü şəkildə qorunur."
Crossmedia.az xəbər verir ki, o, İsrailin bölgə ölkələrini müharibəyə sürükləməyə və ABŞ-ı müdaxiləyə məcbur etməyə çalışdığını da qeyd edib:
"Əgər Amerika Yaxın Şərqdə müharibəyə qoşulmaq qərarına gəlsə, son dərəcə həssas vəziyyətə düşəcək və amerikalıların özləri də bunu çox yaxşı anlayırlar."
Pərvin Hacıyeva
19:29 08.03.2025
Oxunuş sayı: 3446
