Fransa və Almaniya Aİ-nin 150 milyard avro dəyərindəki hərbi büdcəsi üzərində qarşı-qarşıya gəlib
Fransa və Almaniya Aİ-nin 150 milyard avro dəyərindəki hərbi büdcəsi üzərində qarşı-qarşıya gəlib.
Crossmedia.az xəbər verir ki, bu məbləğ Aİ-nin Brüsseldə keçirilən sammitinin nəticəsi olaraq blokun müdafiə sənayesinə yatırılacaq. Bu təklif Fransa ilə Almaniya arasında yeni mübahisə nöqtəsinə çevrilib.
Məlumata görə, Aİ bu vəsaitləri borc alıb silah istehsalını artırmaq üçün istifadə etməyi planlaşdırır. Lakin bu silahların yalnız Avropa istehsalçılarından alınıb-alınmaması, yoxsa xarici ölkələrdən də alınıb-alınmaması məsələsi mübahisə doğurur.
Qeyd edək ki, Almaniya kansleri Şolts layihəyə Böyük Britaniya və Türkiyə kimi tərəfdaşları da cəlb etməyi dəstəkləyir. Lakin Fransa prezidenti Makron Avropa istehsalçılarının üstünlüyünü müdafiə edir. Fransa üçün bu məsələdə aydın maraq var - çünki Fransada Avropanın ən böyük hərbi-sənaye kompleksinə sahibdir və bütün əsas silah növləri üzrə tam istehsal dövrünü təmin edir. Bu səbəbdən Paris bu vəsaitləri özünün «istifadə etməyi» istəyir.
Brüssel bu fikir ayrılıqlarının təşəbbüsü gecikdirə biləcəyindən narahatdır, çünki bu, əvvəllər də baş vermişdi, məsələn, Paris üçüncü ölkələrdən gələn hərbi məhsullara məhdudiyyətlər qoyulmasını tələb etmişdi.
Qeyd edək ki, indi Avropa Komissiyası əsas ölkələrin mövqelərini nəzərə alaraq 10 gün ərzində yekun təklif hazırlamalıdır.
Xumar Əhmədova
17:10 08.03.2025
Oxunuş sayı: 3623
