Xarici xəbərlər

Fransa və Almaniya Aİ-nin silah alışı strategiyası ilə bağlı fikir ayrılığı yaşayır

Avropa İttifaqı müdafiə sənayesinə 150 milyard avro yatırmaqla qitənin yenidən silahlanmasını hədəfləyir. Lakin bu fondun Aİ-yə üzv olmayan ölkələrə açıq olub-olmaması məsələsində Fransa və Almaniya arasında fikir ayrılığı yaranıb.

Crossmedia.az xəbər verir ki, bu barədə xarici KİV yazıb.

Almaniya, Türkiyə, Norveç və İngiltərə kimi Aİ-yə daxil olmayan ölkələrin də bu layihələrdə iştirak etməsini dəstəkləyir. Fransa isə vəsaitin yalnız Aİ daxilində qalmasını və Avropa şirkətlərinə yönəldilməsini tələb edir.

Qeyd edək ki, yeni müdafiə strategiyası çərçivəsində hava hücumundan müdafiə, pilotsuz təyyarələr və digər yeddi əsas sahəyə investisiya planlaşdırılır.

Aİ ölkələrinin əksəriyyəti bu təşəbbüsü dəstəkləsə də, Fransanın etirazları müzakirələri çətinləşdirir. Aİ rəsmiləri yaxın zamanda kompromis həll yolu tapmağa çalışır.

Xumar Əhmədova

🖨 Çap et

16:35 08.03.2025

Oxunuş sayı: 9942