Mkrtçyan: Köçəryanın bəzi tərəfdarları 2018-ci ildə Paşinyanı dəstəkləyib
Ermənistan parlamentinin “Şərəfim Var” fraksiyasının deputatı Anna Mkrtçyan 2018-ci ildə baş verən hakimiyyət dəyişikliyi ilə bağlı diqqətçəkən iddia irəli sürüb.
Crossmedia.az erməni KİV-lərinə istinadən xəbər verir ki, onun sözlərinə görə, sabiq prezident Robert Köçəryanın ailə üzvləri, tərəfdarları və bəzi deputatlar o dövrdə Nikol Paşinyanı dəstəkləyiblər. “Onlardan bəziləri indi parlamentdə fraksiyadadır. Əgər ehtiyac varsa, məndə hamısının ekran görüntüləri var”, – deyə deputat qeyd edib.
“2018-ci ildə Köçəryanın yaxınlarından kimlər meydanda olub?” sualına cavabında Mkrtçyan bəzi şəxslərin Paşinyanın hakimiyyətə gəlməsində rol oynadığını vurğulayıb.
O, “Əgər həmin şəxslər meydanda olmasaydı, hakimiyyət dəyişikliyi baş verərdimi?” sualına belə cavab verib: “Əgər biri getməsəydi, digəri getməsəydi, meydan dolmayacaqdı. Əgər Nikol Paşinyan xalqdan pərdə kimi istifadə etməsəydi, xarici qüvvələrin təşkil etdiyi dövlət çevrilişi də baş verməzdi”.
Mədinə Cəlilova
22:11 07.03.2025
Oxunuş sayı: 11951
