Xarici xəbərlər

Ərdoğan Avropa İttifaqına xəbərdarlıq edib

Türkiyə Prezidenti Rəcəb Tayyib Ərdoğan Avropanın təhlükəsizliyinin yalnız Avropa İttifaqı üzv ölkələrini deyil, bütün dünyanı maraqlandırdığını bildirib.

Crossmedia.az xəbər verir ki, o, bu fikirləri AB tərəfindən təşkil edilən “Bənzər fikirlərə malik ölkələrin liderlərinin onlayn görüşü”ndə söyləyib.

Qeyd edək ki, Ukrayna ilə Rusiya arasında müharibənin dayandırılması çağırışı edən Ərdoğan "Biz Ukraynanın ərazi bütövlüyü və müstəqilliyini qətiyyətlə dəstəklədik. Hər iki tərəfin şərəfli sülh üçün danışıqlar masasında oturacağı möhkəm diplomatiyaya diqqət yetiririk. Hücumların dayandırılması ideyasını dəstəkləyirik. Qara dənizdə razılaşma əldə etmək üçün göstərdiyimiz səylər də bu yanaşma ilə üst-üstə düşür"- dedi.

Ərdoğan Türkiyənin müdafiə sənayəsinin AB-nin müdafiə sənayesini gücləndirmək və Avropa təhlükəsizliyini təmin etmək üçün töhfə verməyə hazır olduğunu qeyd edib. O, həmçinin bildirib ki, "Bizim ortaq maraqlarımız çərçivəsində Avropanın təhlükəsizliyini təmin etmək üçün bütün addımların Türkiyə ilə birlikdə planlaşdırılması vacibdir. Bu səylərin hamısında, şübhəsiz ki, transatlantik əlaqələrin qorunması və müttəfiqimiz ABŞ-dən güclü dəstək alınması önəmlidir. Avropanın güclənən müdafiə sahəsinə texnoloji baxımdan qabaqcıl olan müdafiə sənayemiz töhfə verməyə hazırdır".

Qeyd edəki ki, Türkiyə lideri əlavə edib ki, "Avropa müdafiə sənayesi proqramları ittifaq daxilində bütün müttəfiqlər üçün açıq olmalıdır. Bizim Ukraynanın bərpası və yenidən qurulması üzrə AB proqramlarında iştirak etməyimiz də vacibdir". Ərdoğan Türkiyənin AB-ə tam üzvlük hədəfini qoruduğunu və AB-dən strateji və uzaqgörən bir mövqe gözlədiklərini vurğulayıb. O, sözlərini belə tamamlayıb: "Biz AB ilə üzvlük danışıqlarımızı canlandıracağına ümid edirik".

Xumar Əhmədova

🖨 Çap et

16:22 07.03.2025

Oxunuş sayı: 3532