Tramp geri addım atdı: Kanada və Meksikaya tariflər bir ay təxirə salındı
ABŞ prezidenti Donald Tramp Meksikadan idxal edilən bir çox məhsula və Kanadadan idxal edilən bəzi məhsullara tətbiq edilən 25%-lik gömrük rüsumunu bir ay müddətinə təxirə salan sərəncam imzalayıb.
Crossmedia.az xarici mənbələrə istinadən xəbər verir ki,ABŞ Prezidenti Donald Tramp genişmiqyaslı ticarət müharibəsinin iqtisadi nəticələrinə dair narahatlıqların artması səbəbindən şimal və cənub qonşuları Kanada və Meksikadan idxal edilən bir sıra məhsullara 25%-lik rüsumların tətbiqini bir ay müddətinə təxirə salıb.
Ağ Ev israr edir ki, tariflər fentanil qaçaqmalçılığı ilə mübarizə və ABŞ-a qeyri-qanuni immiqrasiyanın qarşısını almaq məqsədi daşıyır. Lakin Trampın təklif etdiyi tariflər Şimali Amerikanın onilliklər boyu davam edən ticarət tərəfdaşlığında boşluq açacaq.
Trampın tarif planları fond bazarının düşməsinə səbəb olub və ABŞ istehlakçılarını təşvişə salıb, lakin ABŞ-ın 47-ci prezidenti aprelin 2-dən etibarən “qarşılıqlı” tariflər tətbiq etmək planlarına sadiq qaldığını deyir.
Trampın imzaladığı sərəncamlara əsasən, Meksikadan ABŞ-a idxal 2020-ci il USMCA (Amerika Birləşmiş Ştatları-Meksika-Kanada Müqaviləsi) ticarət müqaviləsinə uyğun gələrsə, bir ay müddətində 25 faizlik tariflərdən azad ediləcək.
Zəhra Ağayeva
14:23 07.03.2025
Oxunuş sayı: 2407
