Daha bir boksçumuz yarımfinala vəsiqə qazanıb
Monteneqronun Budva şəhərində gənc boksçular arasında Dünya
kuboku statuslu “Adriatik incisi” beynəlxalq turnirində 1/4 final mərhələsinə
yekun vurulub. Görüşlərin nəticəsinə əsasən Azərbaycan millisinin daha bir
idmançısı adını yarımfinala yazdırıb.
Zidan Hümbətov (54 kq) ikinci döyüşündə İlgiz Korqonbayevə
(Qırğızıstan) qalib gəlib. O, rəqibini ikinci raundda tam üstünlüklə məğlub
edib. Hümbətov yarımfinalda Ali Muratla (Qazaxıstan) üz-üzə gələcək. Görüş
martın 8-də olacaq.
Boksçumuz yarımfinala yüksəlməklə özü üçün azı bürünc medalı
təmin edib.
Qeyd edək ki, “Adriatik incisi”ndə daha 3 boksçumuz
yarımfinalda mübarizə aparacaq. Banuçiçək Nəsirli (48 kq) Natalya Nieviadomska
(Polşa) ilə, Özləm Həsənova (66 kq) Akbota Yessimbekova (Qazaxıstan) ilə, İlkanə
Əhmədova (+81 kq) Sabina Jaksiliklə (Qazaxıstan) döyüşəcək.
10:28 07.03.2025
Oxunuş sayı: 12675
