Baykar və Leonardo pilotsuz texnologiyalar sahəsində əməkdaşlıq edəcək
Türkiyənin Baykar şirkəti və İtaliyanın müdafiə sənayesi nəhəngi Leonardo arasında pilotsuz texnologiyalar sahəsində əməkdaşlıq haqqında razılaşma imzalanıb. Bu barədə Türkiye qəzeti məlumat verib.
• İmzalanan anlaşma memorandumu iki şirkət arasında birgə müəssisənin yaradılmasına əsas ola bilər. Bu da Avropada pilotsuz uçuş aparatlarının istehsal imkanlarını genişləndirə bilər.
• Leonardo, Baykar-ın pilotsuz texnologiyalarından istifadə edəcək. Bu əməkdaşlıq gələcəkdə altıncı nəsil döyüş təyyarələri üçün yüksək texnologiyalı pilotsuz uçuş aparatlarının hazırlanmasına səbəb ola bilər.
• Baykar, bu əməkdaşlıq sayəsində Avropanın Türkiyə müdafiə sənayesinə tətbiq etdiyi idxal məhdudiyyətlərindən yan keçə bilər və birbaşa Avropa bazarına çıxış əldə edəcək.
• İki şirkətin həm Türkiyədə, həm də İtaliyada pilotsuz uçuş aparatları istehsal edəcəyi bildirilib. Baykar və Leonardo hesab edir ki, Avropada pilotsuz uçuş aparatları bazarının həcmi növbəti 10 il ərzində 100 milyard dollara çata bilər.
Zəhra Ağayeva
18:07 06.03.2025
Oxunuş sayı: 9277
