Milli Müdafiə Universiteti xüsusi təyinatlı təhsil müəssisələrinə sənəd qəbulu elan edib
Müdafiə Nazirliyinin Milli Müdafiə Universiteti mayın 30-dək xüsusi təyinatlı təhsil müəssisələrinə elektron sənəd qəbulu elan edib.
Crossmedia.az xəbər verir ki, bu barədə nazirlik məlumat yayıb.
Bildirilib ki, həmin təhsil müəssisələrinə Heydər Əliyev adına Hərbi İnstituta, Hərbi Tibb Fakültəsinə, Bakı və Naxçıvan Hərbi kolleclərinə, Heydər Əliyev adına və Cəmşid Naxçıvanski adına Hərbi liseyləri aiddir.
Qeyd edək ki, ilk dəfədir Milli Müdafiə Universiteti tərəfindən qəbul prosesi elektron qaydada həyata keçirilir.
Azərbaycan vətəndaşları istənilən bölgədən mmu.edu.az saytının “Təhsil müəssisələrinə qəbul” bölməsindən müraciət etməklə seçdiyi təhsil müəssisəsinə aid sənəd qəbulu portalına keçid edərək, müvafiq portaldakı “Sənədlər” hissəsindən proseslə bağlı məlumatları əldə edə bilər.
Tibbi müayinələrin keçirilməsi aprelin 1-dən iyunun 30-dək, seçimlərin aparılması isə iyulun 1-dən avqustun 31-dək nəzərdə tutulur.
13:36 06.03.2025
Oxunuş sayı: 7558
