Mərmərə Universitetində Türkiyə-Azərbaycan Universitetinin Qəyyumlar Şurasının IV toplantısı keçirilib
Mərmərə Universitetində Türkiyə-Azərbaycan Universitetinin Qəyyumlar Şurasının IV toplantısı keçirilib. Toplantıda Türkiyə-Azərbaycan Universitetində proqram açılışı edən YÖK sədri Erol Özvar, Azərbaycanın elm və təhsil naziri Emin Əmrullayev, Hacettepe, İTU və ODTÜ rektorları, Azərbaycan Texniki Universitetinin rektoru Vilayət Vəliyev iştirak ediblər.
Ali Təhsil Şurasının sədri Erol Özvar: “Türkiyə-Azərbaycan Universiteti ölkələrimiz arasında dərin dostluq və qardaşlığın ən gözəl rəmzlərindən biridir”.
O əlavə edib ki, "biz bu nümunəvi universiteti növbəti illərdə daha da möhkəmləndirmək və institusional əsaslarını gücləndirmək, eyni zamanda onu regionun bütün ölkələrinə xidmət edəcək beynəlxalq ali təhsil müəssisəsinə çevirmək istəyirik".
Azərbaycanın elm və təhsil naziri Emin Əmrullayev də çıxışının əvvəlində Xocalı faciəsində həlak olanların xatirəsini yad edib.
Nazir Türkiyə-Azərbaycan Universitetinin Türkiyə ilə Azərbaycan arasında köklü qardaşlıq və dostluğun ən gözəl nümunələrindən biri olduğuna toxunub. E.Əmrullayev Türkiyə-Azərbaycan Universitetinin (TAU) Azərbaycan təhsilinə verdiyi töhfələrdən danışıb. O, universitetin qısa müddətdə yaradılmasına baxmayaraq, böyük gözləntilərinin olduğunu və TAU-nun Azərbaycan təhsilinin tərəqqisinə təsir göstərəcəyini, iki ölkə arasında əlaqələrin daha da möhkəmlənməsinə kömək edəcəyini bildirib.
18:21 28.02.2025
Oxunuş sayı: 10127
