Azərbaycanda qızların təhsili uzunmüddətli hədəflərdəndir
Azərbaycanda qızların təhsili uzunmüddətli hədəflərdəndir.
Bunu elm və təhsil naziri Emin Əmrullayev Bakı Dövlət Universitetində “Qızların təhsil hüququ” mövzusunda keçirilən konfransda çıxışı zamanı deyib.
Onun sözlərinə görə, təhsil sahəsində görülən işlərin nəticəsi adətən ən tezi 20 il müddətinə görülür:
"Məsələn, bu gün təhsil almayan qız 10-15 ildən sonra ana olur və övladı növbəti 20 ilə əmək bazarına daxil olur. Təxminən 35 ildən sonrakı reallığı - bu günün fəaliyyəti və ya fəaliyyətsizliyi müşahidə etmiş oluruq. Bu səbəbdən qızların təhsilə əlçatanlığı və keyfiyyətli təhsil alması vacib amildir".
E.Əmrullayev bildirib ki, Azərbaycan qadını və qızlarının üzləşdiyi təhdid və təhlükəni düzgün başa düşmək lazımdır.(Report)
10:35 20.02.2025
Oxunuş sayı: 4699
