Türkiyənin ən uzun mənzilli raketi kütləvi istehsalda
Türkiyənin “Roketsan” şirkətinin baş direktoru Murat İkinci “Tayfun” raket kompleksi barədə açıqlama verib.
Crossmedia.az xəbər verir ki, bu barədə xarici media məlumat yayıb.
Baş direktorun sözlərinə görə, kompleks artıq kütləvi istehsala buraxılıb və üzərində işlər davam etdirilir:
"”Tayfun” raket kompleksi artıq kütləvi istehsalda olan bir layihədir. Bütün gücümüzlə istehsalı və çeşidimizi genişləndirmək üçün çalışırıq. Ümid edirəm ki, ölkəmizin ballistik raketlər sahəsində dünyanın ön sıralarında olduğu dövrü birlikdə yaşayacağıq".
Qeyd edək ki, “Tayfün” Türkiyənin indiyədək istehsal etdiyi ən uzun mənzilli raket hesab olunur. O, 560 km məsafədə hədəfi həssas dəqiqliklə vurmağı bacarıb.
Fatimə Məmmədova
11:37 05.02.2025
Oxunuş sayı: 7943
