Ağcabədidə əl qumbarasının partlaması nəticəsində xəsarət alanların son durumu açıqlanıb - RƏSMİ
Bu gün 11:30 radələrində partlayış səbəbilə
xəsarət alan iki nəfər Ağcabədi Rayon Mərkəzi Xəstəxanasına hospitalizasiya
olunub.
Bu barədə Crossmedia.az-ın sorğusuna
cavab olaraq Tibbi Ərazi Bölmələri İdarəetmə Birliyindən (TƏBİB) bildirilib.
Onlardan 1985-ci il təvəllüdlü
(qadın cinsli) şəxsə aşağı ətrafın qapalı travması, 2014-cü il təvəllüdlü
(qadın cinsli) azyaşlıya isə aşağı ətrafın sıyrılmış-deşilmiş yarası
diaqnozları təyin olunub. Xəsarət alan şəxslərə zəruri tibbi yardım göstərilib
və tibb müəssisəsinin Cərrahiyyə şöbəsində müalicələri davam etdirilir.
Hazırda hər ikisinin vəziyyəti orta ağır olaraq qiymətləndirilir.
Xatırladaq ki, Ağcabədi rayonunun Hindarx qəsəbəsində əl qumbarası partlayıb. Nəticədə beş nəfər ölüb, iki nəfər yaralanıb. Hadisə ilə bağlı cinayət işi açılıb.
Fidan Hacızadə
14:57 31.01.2025
Oxunuş sayı: 14226
