Strateji Obyektlərin Mühafizəsi Dövlət Agentliyinin şəxsi heyəti Şəhidlər xiyabanını ziyarət edib
Qanlı 20 Yanvar faciəsinin 35-ci ildönümü ilə əlaqədar Azərbaycan Respublikasının Strateji Obyektlərin Mühafizəsi Dövlət Agentliyinin rəisi, general-mayor İlqar Abbasov və agentliyin şəxsi heyəti Şəhidlər xiyabanını ziyarət edib.
Bu barədə Crossmedia.az agentliyə istinadən xəbər verir.
Agentliyin əməkdaşları şəhidlərin məzarları üzərinə gül dəstələri qoyub, ölkənin azadlığı uğrunda həlak olanların xatirəsini hörmət və ehtiramla yad ediblər.
Strateji Obyektlərin Mühafizəsi Dövlət Agentliyinin şəxsi heyəti adından “Əbədi məşəl” abidə kompleksinin önünə əklil qoyulub.
Daha sonra agentliyin inzibati binasında davam edən anım tədbirində Azərbaycanın suverenliyi və ərazi bütövlüyü uğrunda canlarından keçmiş oğul və qızlarımızın əziz xatirəsi bir dəqiqəlik sükutla yad olunub.
Tədbirin sonunda sənədli film nümayiş etdirilib.
Qeyd edək ki, agentliyin bütün regional idarələrində 20 Yanvar faciəsinin 35-ci ildönümü ilə əlaqədar anım tədbirləri keçirilir.
11:51 18.01.2025
Oxunuş sayı: 6099
