Rusiyada Litva ilə sərhəddə şübhəli obyekt aşkarlanıb
Rusiyanın Kalininqrad vilayətində Litva istiqamətindən gələn şübhəli obyektin aşkarlanması səbəbindən pilotsuz uçuş aparatları (PUA) ilə bağlı təhlükə elan edilib.
Crossmedia.az xəbər verir ki, bu barədə vilayətin qubernatoru Aleksey Besprozvannıx məlumat verib.
Onun sözlərinə görə, Nemanski rayonunda “PUA təhlükəsi” xəbərdarlıq sistemi işə düşüb. Buna səbəb Litva tərəfdən hərəkət edən şübhəli obyektin qeydə alınması olub.
Qubernator bildirib ki, mütəxəssislər zəruri yoxlamalar aparıblar və nəticədə hər hansı təhlükənin olmadığı müəyyən edilib.
O, yaxın vaxtlarda xüsusi təhlükə rejiminin ləğv olunacağını da qeyd edib.
22:00 21.11.2026
Oxunuş sayı: 93