Macarıstanda keçmiş nazirin 24 milyon avroluq əmlakı müsadirə edilib
Macarıstanda korrupsiya şübhəsi ilə araşdırılan keçmiş milli inkişaf naziri Mikloş Şestakın 24 milyon avro dəyərində əmlakı müsadirə edilib.
Crossmedia.az xəbər verir ki, bu barədə ölkənin Baş naziri Peter Magyar sosial şəbəkə hesabında məlumat verib.
Onun sözlərinə görə, Macarıstan Milli İstintaq Bürosu Viktor Orbanın hökumətində çalışmış keçmiş nazirin 9 milyard forint (təxminən 24 milyon avro) dəyərində əmlakına həbs qoyub. Şestak korrupsiya cinayəti törətməkdə şübhəli bilinir.
Müsadirə edilən əmlaklar arasında keçmiş nazirin evi və avtomobil salonu da var.
Qeyd edək ki, noyabrın ortalarında Macarıstanda Şestakla bağlı korrupsiya araşdırması çərçivəsində meşələrdə, yardımçı tikililərdə və gizli yerlərdə saxlanılan təxminən 17,6 milyon avro nağd pul aşkarlanıb.
Bundan sonra Magyar “Fides” partiyasının mafiyasının rəsmi olaraq sona çatdığını bəyan edib. O, sələfi Viktor Orbanı da sərt şəkildə tənqid edərək, onun siyasi qüvvəsini cinayətkar təşkilat adlandırıb.
21:20 21.11.2026
Oxunuş sayı: 91