Qazaxıstanda 14 mindən çox insan naməlum virusa yoluxub — TƏFƏRRÜAT
Qazaxıstanın Almatı şəhərində yayılan virus səbəbindən 14 mindən çox insan tibbi yardıma müraciət edib.
Crossmedia.az xəbər verir ki, bu barədə SHOT Telegram kanalı məlumat yayıb.
Məlumata görə, xəstəxanaya yerləşdirilənlər arasında təxminən 3 min uşaq var. Yoluxanlarda bir neçə gün davam edən yüksək hərarət müşahidə olunur. Bəzi hallarda temperatur 40 dərəcəni keçir və dərman qəbuluna baxmayaraq aşağı düşmür.
Digər simptomlar arasında titrətmə, bədən ağrıları, boğaz ağrısı, güclü öskürək və baş ağrısı da var. Bəzi xəstələrdə qusma və ishal qeydə alınır.
Valideynlərin sözlərinə görə, dərman qəbulundan sonra uşaqların vəziyyəti müvəqqəti yaxşılaşsa da, bir neçə saat sonra qızdırma yenidən yüksəlir.
Yerli xəstəxanalarda əlavə çarpayılar hazırlanır. Bununla yanaşı, Rusiyanın İstehlakçı Hüquqlarının Müdafiəsi və İnsan Rifahına Nəzarət üzrə Federal Xidməti Qazaxıstanın Səhiyyə Nazirliyindən epidemioloji vəziyyətlə bağlı məlumat istəyib.
Qeyd edək ki, yayılan məlumatlarda xəstəliyə səbəb olan virusun dəqiq növü hələ müəyyənləşdirilməyib.
19:04 21.11.2026
Oxunuş sayı: 41