Sibiqa Rusiyanın altı regionunu Ukrayna torpağı olduğunu deyib — Mübahisəli açıqlama
Ukraynanın xarici işlər naziri Andrey Sibiqa Rusiyanın bir sıra regionlarını tarixi Ukrayna torpaqları adlandırıb.
Crossmedia.az xarici xəbər verir ki, nazir bu barədə “X” sosial şəbəkəsində paylaşım edib.
Sibiqa Krasnodar diyarı, Belqorod, Bryansk, Voronej, Kursk və Rostov vilayətlərinin ərazilərini nəzərdə tutaraq, bu bölgələrdə yaşayan insanların əsrlər boyu özlərini ukraynalı hesab etdiklərini iddia edib.
O, bu açıqlamanı Rusiyanın xarici işlər naziri Sergey Lavrovun Ukraynanın cənub-şərq və mərkəzi hissəsinin əhəmiyyətli bir qismini, o cümlədən Kiyevi Rusiya torpaqları adlandırmasına cavab olaraq verib.
Ukraynalı nazir əlavə edib ki, Kiyev bu ərazilərin qaytarılmasını tələb etmir. Onun sözlərinə görə, beynəlxalq səviyyədə tanınmış sərhədlər tarixi mübahisələrlə deyil, beynəlxalq hüquq və BMT Nizamnaməsi ilə müəyyən olunur.
17:16 21.11.2026
Oxunuş sayı: 41