Zelenski: “Şahed”lər Ukraynanın enerji infrastrukturunu hədəfə alır
Rusiya ordusu Ukraynanın enerji və dəmir yolu infrastrukturuna zərbələr endirməkdə davam edir. Ukrayna Prezidenti Volodimir Zelenski bildirib ki, “Şahed” tipli pilotsuz uçuş aparatlarına qarşı istifadə edilən dron-mənzilləndiricilər Starshield sisteminə qoyulan məhdudiyyətlər səbəbindən onları təqib edib zərərsizləşdirə bilmir.
Crossmedia.az xəbər verir ki, “UNİAN” bu barədə məlumat yayıb.
Zelenskinin sözlərinə görə, bu gün gecə və səhər saatlarında Zaporojye, Sumı, Odessa, Jitomir və Kirovoqrad vilayətlərində enerji obyektləri hücuma məruz qalıb.
Bundan başqa, Dnepropetrovsk, Xarkov və Zaporojye vilayətlərində dəmir yolu infrastrukturu, eləcə də Donetsk və Kiyev vilayətlərində müxtəlif obyektlər hədəfə alınıb.
Ukrayna Prezidentinin açıqlamasına görə, Rusiya son bir həftə ərzində Ukraynaya qarşı 2300-dən çox hücum dronu, təxminən 1600 aviasiya bombası və 15 raketdən istifadə edib.
16:42 15.11.2026
Oxunuş sayı: 154