Polşa XİN rəhbəri: Rusiya bir ayda 40-50 min hərbçi itirir
Rusiya Ukraynadakı müharibədə hər ay təxminən 40-50 min hərbçisini itirir. Bu rəqəmə ölən və yaralananlar daxildir.
Crossmedia.az xəbər verir ki, bunu Polşanın xarici işlər naziri Radoslav Sikorski bildirib.
“Biz hər ay təxminən 40-50 min nəfərin öldüyü və yaralandığı itkilərdən danışırıq”, – deyə nazir vurğulayıb.
Sikorski Rusiyanın Ukraynadakı hərbi itkilərini Koreya müharibəsi və Sovet İttifaqının Əfqanıstandakı müharibəsi ilə müqayisə edib.
“Koreya müharibəsi üç il davam edib. Amerikalılar bütün müharibə ərzində bu qədər itki veriblər. Sovet İttifaqının Əfqanıstandakı müharibəsində isə, məncə, təxminən 13 min sovet hərbçisi həlak olub. İndi Rusiya bir ayda bundan daha çox itki verir”, – deyə o bildirib.
Qeyd edək ki, NATO-nun Baş katibi Mark Rutte də noyabrın 12-də Rusiya ordusunun aylıq itkilərinin 40 min nəfəri keçdiyini, oktyabrda isə 50 mini ötmüş ola biləcəyini açıqlayıb.
12:29 19.11.2026
Oxunuş sayı: 35