Xameneyi: “ABŞ İrana dəvə kini bəsləyir”
İranın ali rəhbəri Əli Xamenei bugün çıxışında deyib: “Birləşmiş Ştatların İrana qarşı dəvə kini var”.
Crossmedia.az bu barədə “Indipendent Persian”-na istinadən xəbər verir.
Tasnim News-un məlumatına görə, o, ABŞ ilə birbaşa dialoq əvəzinə Avropa ilə danışıqları tənqid edənlərə belə cavab verib: “ABŞ buranı zəbt etmişdi, lakin onun məngənəsindən çıxarıldı. Ona görə də onun ölkəmizə, inqilaba qarşı kin-küdurəti dəvə kinidir və o, asanlıqla əl çəkmir”.
Əli Xameneyi habelə iddia edib ki, ABŞ İranda uğursuzluğa düçar olub və bu uğursuzluğun əvəzini çıxmağa çalışır.
Bu çıxış Donald Trampın andiçmə mərasimindən iki həftədən az bir müddət əvvələ təsadüf edir. ABŞ-nin növbəti administrasiyasının İslam Respublikasına qarşı maksimum təzyiq siyasətini bərpa edəcəyi gözlənilir.
17:57 08.01.2025
Oxunuş sayı: 15089
