Klinik ölüm keçirən qadın: Cənnəti və cəhənnəmi gördüm
ABŞ-nin Kanzas ştatında yaşayan Şarlotta Holms 11 dəqiqəlik ürək dayanması zamanı cənnəti, cəhənnəmi və gələcəyini gördüyünü iddia edir.
Crossmedia.az xəbər verir ki, “Irish Mirror” nəşri qadının yaşadıqları barədə danışdıqlarını yayıb.
Holmsun sözlərinə görə, o, kardioloqun qəbulunda olarkən arterial təzyiqi qəfil 234/134 mm civə sütununa yüksəlib. Qadın dərhal palataya yerləşdirilərək tibbi yardım alıb.
Holms həmin vaxt ruhunun bədənini tərk etdiyini hiss etdiyini bildirib. O, əvvəlcə gül ətri duyduğunu, daha sonra isə özünü cənnətdə gördüyünü söyləyib.
Qadının sözlərinə görə, onu cənnətdə mələklər müşayiət edib. O, dünyasını dəyişmiş valideynləri və bacısı ilə yanaşı, hamiləliyinin beşinci ayında itirdiyi övladını da gördüyünü iddia edib. Holms həmin məkanda özünü sakit və xoşbəxt hiss etdiyini deyib.
Daha sonra, onun sözlərinə görə, Tanrı onu uçurumun aşağısında yerləşən cəhənnəmə aparıb. Qadın oradan çürümə qoxusu və qışqırıq səsləri gəldiyini bildirib.
Holms qeyd edib ki, cənnətdə gördüyü gözəlliklə cəhənnəmin təsviri arasındakı fərq onun üçün dözülməz olub.
Ürəyi yenidən fəaliyyətə başladıqdan sonra qadın bir müddət bərpa prosesi keçib.
04:27 04.11.2026
Oxunuş sayı: 53
