Fransa məğlub olur - əvəzini belə çıxmaq istəyir
Fransa Prezidentinin səfirlər konfransında Azərbaycanla bağlı səsləndirdiyi ittihamlar diqqət mərkəzinə gəlib. Bu açıqlamalar regiondakı mövcud vəziyyətə dair qərəzli mövqeləri əks etdirməklə yanaşı, Fransanın Cənubi Qafqazda öz maraqlarını təmin etmək cəhdlərini bir daha göstərir.
Mövzu ilə bağlı politoloq Əziz Əlibəyli Crossmedia.az-a açıqlama verib: “Fransanın ənənəvi vəziyyətini itirdikcə yeni mövqelərdə mübarizə apardığı görünür. Maraqlı bir məsələ də var ki, beynəlxalq münasibətlər sistemində coğrafi baxımdan hazırda aktiv zonalar Yaxın Şərq, Qafqaz, Şərqi Avropa və Sakit Okean bölgəsidir. Bu bölgələr arasında, məsələn, Afrikadan daha çox təsir mexanizminə sahib olan bölgə Qafqazdır.
Diqqət etsək, məğlubiyyətlərin əvəzində Fransanın Qafqazda möhkəmlənmək istəyinin ortaya çıxdığını görərik. Bu, Rusiyaya, Türkiyəyə və Böyük Britaniyaya qarşı daha güclü müqavimət göstərmək cəhdi ilə bağlıdır. Təəssüf ki, Qafqaz bölgəsində Fransanın müəyyən müttəfiqləri də var. Fransanın burada müəyyən dərəcədə güclü lobbiləri olduğu, Gürcüstan, İran və Ermənistanla müttəfiqlik əlaqələri qurduğu görünür”.
Politoloqun sözlərinə görə: “Bu prizmadan yanaşdıqda, Fransanın Azərbaycana qarşı mövqeyini izah etmək mümkündür. Lakin Azərbaycan beynəlxalq hüquq prizmasından cavab verərək Fransanın absurd iddialarının əsassız olduğunu qeyd etdi. Xarici İşlər Nazirliyimiz isə kimin hansı mövqedə dayandığını xatırlatdı”.
Fidan Hacızadə
08:15 07.01.2025
Oxunuş sayı: 8650
