Yaxın Şərq

İran səfirliyi britaniyalı siyasətçiyə cavab verdi

İran səfirliyi britaniyalı siyasətçinin ABŞ-ın Qasım Süleymanini öldürməsinə dair açıqlamalarına reaksiya verib

Crossmedia.az xəbər verir ki, bu barədə İran səfirliyi “X” səhifəsində yazıb:

“Özbaşına qətl və sui-qəsdlərin dəstəklənməsi tamamilə qanunsuz və əxlaqsızlıqdır”.

Bir neçə gün əvvəl Qasım Süleymaninin ölümünün beşinci ildönümündə Britaniya parlamentinin Mühafizəkarlar Partiyasından olan üzvü və keçmiş təhlükəsizlik nazirinin müavini Tom Tugendat demişdi: “Donald Trampın İranın yüksək rütbəli komandirinin öldürülməsinə razılıq verməsi hadisələr zəncirini işə saldı ki, bu da İranın kukla pələng olduğunu üzə çıxardı və Əsəd rejiminin devrilməsilə nəticələndi".

Tugendat həm də İran rejiminin yaxın bir neçə ildə çökəcəyini proqnozlaşdırıb.