Bu ölkədə əcnəbi işçilər üçün məcburi imtahan ləğv oluna bilər
Rusiyada əmək fəaliyyəti ilə məşğul olmaq istəyən əcnəbilər üçün ölkəyə giriş və işə qəbul qaydalarının sadələşdirilməsi nəzərdə tutulur. Təklif olunan dəyişikliklər əmək miqrantları üçün rus dili, Rusiya tarixi və qanunvericiliyin əsasları üzrə məcburi imtahanın ləğvini ehtiva edir.
Crossmedia.az xəbər verir ki, bu barədə Rusiya Daxili İşlər Nazirliyinin hazırladığı dəyişikliklərə dair məlumatda bildirilir.
Təklifin Rusiyanın əmək bazarında kadr çatışmazlığının artması ilə əlaqədar hazırlandığı qeyd olunur. Məlumata görə, dəyişikliklərin bütün əcnəbi işçilərə şamil edilməsi nəzərdə tutulur.
Qeyd edək ki, bu məlumat təklif olunan dəyişikliklərə aiddir. İmtahan tələbinin ləğv edilməsi ilə bağlı qərarın qəbul olunması və qüvvəyə minməsi barədə əlavə təsdiq yoxdur.
16:16 13.10.2026
Oxunuş sayı: 51
