Xarici xəbərlər

Maqnit qasırğası ilə bağlı xəbərdarlıq

Günəşdə baş verən ardıcıl partlayışlardan sonra kosmosa yayılan iki tac kütləsi atımının Yerə çatması gözlənilir. ABŞ-ın Milli Okean və Atmosfer Administrasiyası (NOAA) oktyabrın 11-i üçün orta səviyyəli — G2 kateqoriyalı geomaqnit qasırğası xəbərdarlığı yayıb.

Crossmedia.az xəbər verir ki, NOAA-nın Kosmik Hava Proqnozları Mərkəzinin məlumatına görə, Günəşdə oktyabrın 7-si və 8-də baş verən partlayışlar nəticəsində yaranan iki tac kütləsi atımı Yer istiqamətində hərəkət edir.

Məlumata əsasən, oktyabrın 8-də baş verən daha sürətli atımın oktyabrın 7-də yaranmış daha yavaş axına çataraq yolboyu onlarla birləşəcəyi gözlənilir. Bu hadisə Yerə çatacaq plazma axınlarının təsirinə və geomaqnit aktivliyin səviyyəsinə təsir göstərə bilər.

NOAA-nın proqnozuna görə, gözlənilən geomaqnit qasırğası G2 — orta şiddətli kateqoriyaya aid ola bilər. Belə hadisələr yüksək enliklərdə radio rabitəsinə, peyklərin fəaliyyətinə və elektrik şəbəkələrinə müəyyən təsirlər göstərə bilər.

Mövzular:

Günəş maqnit qasırğası geomaqnit qasırğası NOAA tac kütləsi atımı kosmik hava oktyabrın 11-i

🖨 Çap et

13:24 10.10.2026

Oxunuş sayı: 77