ABŞ Avropadakı hərbçilərini Cənubi Amerikaya göndərə bilər
ABŞ müdafiə naziri Pit Heqset Avropada yerləşdirilən amerikalı hərbçilərin Cənubi Amerikada narkokartellərlə mübarizəyə cəlb olunmaq üçün başqa bölgələrə göndərilə biləcəyini açıqlayıb.
Crossmedia.az xəbər verir ki, “The Hill” bu barədə məlumat yayıb.
Pentaqon rəhbəri ABŞ-nin Mərkəzi və Cənubi Amerikadakı hərbi iştirakının genişləndirildiyini bildirib. Heqset Ekvador, Honduras, Qvatemala və Panama ilə tərəfdaşlıq əlaqələrinə toxunaraq, bu əməkdaşlığın regionun inkişafı və təhlükəsizliyinin təmin edilməsinə xidmət etdiyini deyib.
Nazirin sözlərinə görə, bu məqsədlər üçün Avropada yerləşən ABŞ qüvvələrinin bir hissəsinin başqa ərazilərə köçürülməsi tələb oluna bilər.
“Bu qüvvə və vasitələrin bir hissəsi başqa yerlərə – ya ABŞ-ə geri qaytarılacaq, ya da Qərb yarımkürəsində terror təşkilatlarına qarşı mübarizə çərçivəsində yeni iştirak formatının təmin edilməsi üçün yerləşdiriləcək”, – Heqset bildirib.
Qeyd edək ki, daha əvvəl ABŞ-nin bəzi müttəfiqlərinin NATO ilə bağlı Pentaqonda keçirilən görüşə dəvət olunmadığı məlum olub. Vaşinqton ABŞ-nin prioritetlərini pozan hökumətlər üçün “yaxşı və pis” siyahısının tətbiqi ilə bağlı xəbərdarlıq edib.
16:57 04.10.2026
Oxunuş sayı: 50
