Cəmiyyət

Loqo eyni, qiymət fərqli - Bahalı brend, ucuz və saxta məhsul: İnsanlar hansını seçir?

Məşhur brendlərin məhsullarına maraq illərdir davam edir və bu maraq bazarda həm orijinal, həm də həmin məhsulları təqlid edən saxta versiyaların yayılmasına səbəb olur. Xüsusilə geyim, ayaqqabı, çanta, saat və aksesuarlarda məşhur markaların loqosunu və dizaynını təkrarlayan məhsullara rast gəlmək mümkündür. Bu məhsulların əsas fərqlərindən biri isə qiymətdir. Orijinal məhsulun yüksək qiyməti bəzi alıcıları daha ucuz alternativlərə yönəldir. Nəticədə bazarda eyni və ya oxşar görünüşə malik məhsullar arasında ciddi qiymət fərqi yaranır. Lakin məsələ yalnız qiymət və görünüşdən ibarət deyil. Saxta məhsulların keyfiyyəti, istehlakçıya yaratdığı risklər, brend sahibinin hüquqları və bu bazarın formalaşmasına təsir edən amillər də müzakirə mövzusudur. Bəs bütün bu məqamların fonunda insanlar seçim qarşısında qalanda hansı məhsula üstünlük verirlər? Biz də bu sualla şəhər sakinlərinə müraciət etdik.

Bu gün bazarda məşhur brendlərin həm orijinal, həm də həmin məhsula görünüşcə çox bənzəyən daha ucuz versiyalarına rast gəlmək mümkündür. Bəzən iki məhsul xarici görünüş baxımından demək olar ki, eyni olur, lakin qiymətləri arasında ciddi fərq olur.

Maraqlıdır, seçim qarşısında qalsanız, hansına üstünlük verərdiniz?

Təsəvvür edin ki, qarşınızda iki məhsul var: biri bahalı və orijinal brend məhsuludur, digəri isə həmin brendin görünüşünü demək olar ki, tam təkrarlayan, lakin saxta və daha ucuz məhsuldur.

Bu iki məhsuldan hansını seçərdiniz və niyə?

Sorğudan da göründüyü kimi, insanların seçimləri eyni deyil. Bəzi insanlar üçün orijinal brendin keyfiyyəti, etibarlılığı və məhsula verilən zəmanət əsas meyar olduğu halda, daha münasib qiymət axtaran və görünüşə üstünlük verənlər də var. Bu isə saxta məhsullara müəyyən tələbatın olduğunu göstərir. Lakin saxta məhsulun daha ucuz olması onun yaratdığı problemləri aradan qaldırmır; keyfiyyət, təhlükəsizlik, istehlakçı hüquqları və brend sahibinin hüquqlarının pozulması kimi məsələlər də diqqətdə saxlanılmalıdır. Buna görə saxta məhsullara yalnız “ucuz alternativ” kimi yanaşmaq deyil, onun yaratdığı mənfi nəticələri də cəmiyyətə göstərmək vacibdir. Əsas sual isə budur: insanlar seçim edərkən yalnız qiymətə və görünüşə, yoxsa məhsulun mənşəyinə və keyfiyyətinə də diqqət yetirməlidirlər?