Xarici xəbərlər

Qızılın qiyməti 2,4% bahalaşdı

Dünya bazarında qızılın qiyməti geosiyasi risklərin artması, neftin ucuzlaşması və ABŞ dollarının zəifləməsi fonunda 2,4 faiz yüksəlib.

Crossmedia.az xəbər verir ki, “Anadolu” bu barədə məlumat yayıb.

Spot qızılın bir unsiyası 4 370 dollara çatıb, ABŞ-nin qızıl fyuçersləri isə 0,54 faiz artaraq 4 410 dollar olub. Gümüşün spot qiyməti də 4,5 faizdən çox yüksələrək 66 dollara çatıb, platin və palladiumun qiymətlərində də artım qeydə alınıb.

Analitiklər bildiriblər ki, neft qiymətlərinin bir həftənin minimumuna enməsi və dollar indeksinin son yeddi həftənin ən yüksək göstəricisindən geri çəkilməsi qızıl bazarına dəstək verib. ABŞ-nin 10 illik dövlət istiqrazlarının gəlirliliyindəki geriləmə də qiymətli metalın bahalaşmasına təsir göstərib.

Bu arada “Brent” markalı neftin bir barrelinin qiyməti 2,8 faiz azalaraq 102,86 dollara, “WTI” nefti isə 1,77 faiz ucuzlaşaraq 100,62 dollara düşüb. ABŞ Federal Ehtiyat Sisteminin uçot dərəcəsini 3,75-4 faiz aralığına yüksəltməsi də investorların diqqətində qalır.

Mövzular:

Dünya bazarı ABŞ dolları ABŞ qızıl dövlət istiqrazları Brent

🖨 Çap et

07:21 18.09.2026

Oxunuş sayı: 45