Xarici xəbərlər

Lord Wormalda vəzifədən ayrıldıqdan sonra 860 min funt ödənilib

Böyük Britaniyanın keçmiş Nazirlər Kabineti katibi və dövlət qulluğunun rəhbəri Lord Wormald vəzifəsindən ayrıldıqdan sonra rekord məbləğdə təzminat alıb.

Crossmedia.az xəbər verir ki, Böyük Britaniya Nazirlər Kabineti Ofisinin 2025–2026-cı maliyyə ili üzrə hesabatına əsasən, Wormalda ümumilikdə 859 495 funt sterlinq ödənilib. Məbləğin 332 897 funtu müqavilə üzrə kompensasiya, 526 598 funtu isə əlavə işdənçıxma ödənişi olub.

Wormald 2025-ci ilin fevralında, Baş nazir Kir Starmer tərəfindən vəzifəyə təyin edilməsindən cəmi 14 ay sonra qarşılıqlı razılaşma əsasında postunu tərk edib. Onun gedişindən əvvəl hökumətin məmurun fəaliyyətindən narazı olduğu barədə mediada bir neçə məlumat yayılmışdı.

BBC-nin məlumatına görə, ödənişin əhəmiyyətli hissəsi Wormaldın dövlət qulluğundakı karyerasının vaxtından əvvəl başa çatması səbəbindən pensiya ödənişlərini kompensasiya etmək üçün nəzərdə tutulub. O, həmçinin milli təhlükəsizlik, xarici siyasət və iqtisadiyyatla bağlı məxfi məlumatlara çıxışı olduğuna görə vəzifədən ayrıldıqdan sonra tətbiq edilən məcburi gözləmə müddətinə görə kompensasiya alıb.

Hesabata görə, Wormald 2025-ci il aprelin 1-dən 13 fevrala qədər olan dövrdə 210-215 min funt sterlinq maaş alıb və kompensasiya ilə birlikdə həmin maliyyə ilində ümumi gəliri 1 milyon funtu keçib.

Mövzular:

Böyük Britaniya Nazirlər Kabineti katibi Lord Wormald 2025–2026-cı maliyyə ili

🖨 Çap et

21:57 14.09.2026

Oxunuş sayı: 53