Elm və təhsil
Azərbaycanda doktorantura təhsilində dəyişikliklər gözlənilir
Doktorantura təhsilinə yenidən baxılacaq.
Crossmedia.az xəbər verir ki, bunu Naxçıvanda keçirilən Doktorantların və gənc tədqiqatçıların 29-cu (NASCO29) konfransının açılışında elm və təhsil nazirinin müavini İdris İsayev deyib.
O bildirib ki, doktorantura təhsili daha tədqiqatyönümlü olmalıdır: "Bu proses yalnız dissertasiya müdafiəsi ilə bitməməlidir. Müasir tədqiqat, elmi kommunikasiya, layihələrin idarəedilməsi kimi bacarıqları mənimsəmək lazımdır. O baxımdan doktorantura təhsilinə yenidən baxılmalıdır. Elmi rəhbərlər isə yalnız dissertasiya işinin hazırlanmasına nəzarət etməməli, həm də qeyd etdiyim bacarıqların gənc tədqiqatçılarda formalaşmasına çalışmalıdır".
Kənan
10:25 30.10.2026
Oxunuş sayı: 83
