Putin: Rusiya Avropa ilə müharibəyə hazırdır, lakin bunu istəmir
Rusiya Prezidenti Vladimir Putin Moskvanın Avropa ilə müharibəyə hazır olduğunu, lakin belə bir qarşıdurma istəmədiyini bildirib. Onun sözlərinə görə, müharibə baş verərsə, qalib olmayacaq.
Crossmedia.az xəbər verir ki, Putin dünya müharibələrinin dərslərinin Rusiyada yaxşı xatırlandığını və belə hadisələrin təkrarlanmaması üçün bütün səylərin göstərildiyini deyib. O, Moskvanın Avropa ölkələri ilə dialoqun bərpasına yönələn istənilən addımı dəstəklədiyini vurğulayıb.
Putin Avropa İttifaqı liderlərinin Rusiyaya qarşı strateji məğlubiyyətə nail ola bilmədiklərini qeyd edərək, 2030-cu ilədək də buna nail olacaqlarına inanmadığını bildirib.
Rusiya lideri Finlandiya Prezidenti Aleksandr Stubb və Norveçin Baş naziri Yonas Qar Störenin ona telefon zəngi etdiyini, təşəbbüsün onların tərəfindən gəldiyini söyləyib. Putinin sözlərinə görə, hər iki lider danışıq zamanı Avropa İttifaqını deyil, öz ölkələrini təmsil etdiklərini vurğulayıblar.
Putin Avropada bu təmasa yönələn tənqidlərə baxmayaraq, zəngin edilməsini düzgün addım hesab etdiyini bildirib.
O, həmçinin Rusiyanın Baltik dənizində Hörmüz boğazı və Fars körfəzindəki vəziyyətə bənzər gərginliyin yaranmasını istəmədiyini, lakin istənilən çağırışa cavab verməyə hazır olduğunu qeyd edib.
22:43 29.10.2026
Oxunuş sayı: 51
