Xarici xəbərlər

Belçikada Qərbi Nil virusuna 5 şübhəli yoluxma aşkarlanıb

Belçikanın Antverpen və Flamand Brabant əyalətlərində Qərbi Nil virusuna 5 mümkün yoluxma halı müəyyən edilib. Hadisələrin təsdiqlənməsi üçün əlavə testlər aparılır.

Crossmedia.az xəbər verir ki, bu barədə Belçikanın rəsmi Belga agentliyi məlumat yayıb. Beş şübhəli haldan dördündə nevroloji əlamətlər müşahidə olunub, onlardan biri xəstəxanaya yerləşdirilib.

Səhiyyə rəsmiləri virusun hazırda quşlar və ağcaqanadlar arasında yayıldığını bildiriblər. Səhiyyə Nazirliyinin sözçüsü Anneleen De Sadeleer oktyabra qədər, ağcaqanad mövsümü başa çatana kimi yeni yoluxma hallarının qeydə alına biləcəyini deyib.

Mütəxəssislər bildirirlər ki, Qərbi Nil virusuna qarşı vaksin mövcud deyil və ağcaqanad dişləmələrindən qorunmaq tövsiyə olunur. Yoluxanların təxminən 80 faizində heç bir əlamət müşahidə olunmur, təxminən 20 faizində isə qızdırma, halsızlıq, ürəkbulanma, baş və əzələ ağrıları kimi simptomlar yaranır.

Mövzular:

Belçika Antverpen Flamand Brabant Nil Səhiyyə Nazirliyi ağcaqanad quşlar Belga agentliyi

🖨 Çap et

03:40 13.09.2026

Oxunuş sayı: 65