"Reform UK"-yə iki gündə 72 milyon funt ianə verildi
Böyük Britaniyanın "Reform UK" partiyası iki gün ərzində ümumi məbləği 72 milyon funt sterlinq olan iki rekord ianə alıb.
Crossmedia.az xəbər verir ki, bu barədə BBC məlumat yayıb. Kriptovalyuta investoru Kristofer Harborn partiyaya 36 milyon funt bağışlayaraq bir gün əvvəl edilən rekord ianəyə eyni məbləğdə töhfə verib.
Harborn bildirib ki, onu bu addıma “rəqabət ruhu” sövq edib və qarşılığında şəxsi heç nə gözləmir. "Reform UK" isə 72 milyon funtun siyasət üzrə mütəxəssislərin cəlb edilməsinə və hökumət üçün genişmiqyaslı proqram hazırlanmasına sərf olunacağını açıqlayıb.
Bu ianələr Britaniyada siyasi partiyaların maliyyələşməsi ilə bağlı müzakirələri də yenidən gündəmə gətirib. İki ianənin ümumi məbləği ötən il Böyük Britaniyadakı bütün siyasi partiyaların aldığı 69 milyon funtdan çox vəsaiti üstələyir.
22:42 12.09.2026
Oxunuş sayı: 193
