Xarici xəbərlər

Kuşner: Ukrayna geri çəkilsə, sülh sazişi hazırdır

ABŞ Prezidenti Donald Trampın kürəkəni Cared Kuşner Ukraynanın Kreml tərəfindən müəyyənləşdirilən xəttə qədər geri çəkilməsi halında münaqişənin başa çatdırılması üçün sülh sazişinin hazır olduğunu bildirib.

Crossmedia.az xəbər verir ki, bu barədə Kuşner Kiyevdə keçirilən “Yalta Avropa Strategiyası” toplantısında çıxışı zamanı deyib. Onun sözlərinə görə, Ukrayna həmin addımı atmağa hazır deyil.

Kuşner qeyd edib ki, ABŞ vasitəçilərinin məqsədi Ukraynanın mövqeyinə uyğun, eyni zamanda Rusiyanı münaqişəni dayandırmağa inandıra biləcək “kreativ həll” tapmaqdır. O, ərazi məsələsinin danışıqlarda ən çətin mövzu olduğunu və bu məsələnin cəbhədəki vəziyyətdən ciddi şəkildə asılı olduğunu vurğulayıb.

Trampın kürəkəni Moskva danışıqlarının Rusiyanın mövqeyini daha yaxşı anlamağa imkan verdiyini və yeni ideyaların yaranmasına təkan verdiyini bildirib. Onun sözlərinə görə, tərəflərin birbaşa görüşləri “səyyar diplomatiya”dan daha effektivdir.

Mövzular:

ABŞ Ukrayna Rusiya Yalta Avropa Strategiyası Cared Kuşner

🖨 Çap et

22:56 12.09.2026

Oxunuş sayı: 45