İranda silahlı şəxslərlə təhlükəsizlik qüvvələri arasında toqquşmalar davam edir
İranın Sistan və Bəluçistan əyalətinin Səravan şəhərində təhlükəsizlik qüvvələri ilə naməlum silahlı şəxslər arasında şiddətli toqquşmaların davam etdiyi bildirilir.
Crossmedia.az xəbər verir ki, “Haalvsh” bu barədə məlumat yayıb.
Məlumata görə, təhlükəsizlik qüvvələri döyüşlərin getdiyi əraziyə yaxın evlərdə yaşayan sakinləri təxliyə edir. Şəhərin bəzi küçələrinin mühasirəyə alındığı, əraziyə yüzlərlə hərbçi və təhlükəsizlik əməkdaşının cəlb edildiyi bildirilir.
Qarşıdurmalar zamanı çox sayda təhlükəsizlik əməkdaşının yaralandığı qeyd olunur. Həmçinin azı iki hərbi pilotsuz uçuş aparatının vurulduğu iddia edilir.
Hadisə ilə bağlı ölənlərin sayı və qarşıdurmaların səbəbləri barədə əlavə məlumat verilməyib.
14:24 12.09.2026
Oxunuş sayı: 42
