Almaniya kansleri AZAL-ın təyyarə qəzasına münasibət bildirdi
Crossmedia.az xəbər verir ki, Almaniya kansleri Olaf Şolts öz “X” hesabında, Aktau şəhərində baş vermiş AZAL təyyarə qəzasına münasibət bildirərək, Rusiyanın Ukraynaya qarşı amansız müharibəsinin təkcə Ukrayna sərhədləri ilə qalmadığını və daha çox günahsız həyatlara təsir etdiyini söyləyib.
"Rusiya müharibəsi, Ukraynadan kənarda daha çox günahsız həyatlara təsir edir. Aktaudakı təyyarə qəzası bunu göstərir. Bu hadisə tam şəkildə araşdırılmalıdır. Qurbanların ailələrinə başsağlığı diləyir və yaralılara tezliklə sağalmalarının arzu edirik" - Şolts qeyd edib.
Bildirək ki, dekabrın 25-də Bakı-Qroznı reysi üzrə uçan AZAL təyyarəsi Qroznı hava məkanında Rusiya hava hücumundan müdafiə sistemləri tərəfindən vurulub və ciddi ziyan görüb. Eniş icazəsi verilmədiyi üçün təyyarə Aktau şəhərinə yönəlib, lakin hava limanının yaxınlığında qəzaya uğrayıb. Təyyarədəki 67 sərnişindən 38-i həlak olub, 29-u isə sağ qalıb.
Dekabrın 28-də Vladimir Putin, hadisənin Rusiya hava məkanında baş verdiyi üçün Azərbaycan Prezidenti İlham Əliyevdən üzr istəyib. Dekabrın 29-da isə Putin, məsələnin müzakirəsini davam etdirmək üçün yenidən İlham Əliyevlə telefonla əlaqə saxlayıb.
Nabat Fərzəliyeva
11:25 31.12.2024
Oxunuş sayı: 6634
