Cəmiyyət
MEK əməkdaşı “Kəndə gəl” yay düşərgəsində iştirak edib
Azərbaycan Milli Elmlər Akademiyası (AMEA) Mərkəzi Elmi Kitabxanasının (MEK) Beynəlxalq əlaqələr şöbəsinin baş mütəxəssisi, doktorant Cavid Məmmədli “Kəndə gəl” şüarı ilə keçirilən yay düşərgəsində iştirak edib.
Gənclər və İdman Nazirliyinin dəstəyi, AMEA-nın tərəfdaşlığı və AMEA Gənclər Akademiyasının təşkilatçılığı ilə Şəki Olimpiya İdman Kompleksində keçirilən düşərgə “Şəhərsalma və Memarlıq İli” çərçivəsində regionların davamlı inkişafı və kənd ekoturizminin təşviqinə həsr olunub.
Cavid Məmmədli düşərgə çərçivəsində təşkil olunan panel müzakirələri, təlimlər, ustad dərsləri, intellektual oyunlar və komanda fəaliyyətlərində aktiv iştirak edib. Layihə zamanı iştirakçılar, həmçinin Şəkinin zəngin tarixi-mədəni irsi və turizm potensialı, eləcə də AMEA-nın Şəki Regional Elmi Mərkəzinin fəaliyyəti ilə tanış olublar.
Gənc alim və mütəxəssislər, doktorant və magistrantların iştirakı ilə keçirilən layihənin sonunda tədqiqatçılar sertifikat və medalla təltif ediliblər.
12:37 08.09.2026
Oxunuş sayı: 58
