Azərbaycan riyaziyyat üzrə bir çox ölkədən irəlidədir - nazir
PISA 2025 beynəlxalq şagird qiymətləndirmə tədqiqatında Azərbaycandan 241 məktəbin 7 432 şagirdi iştirak edib. Tədqiqat ümumilikdə 91 ölkəni əhatə edib və 760 min şagird qiymətləndirməyə cəlb olunub.
Crossmedia.az xəbər verir ki, bu barədə elm və təhsil naziri Emin Əmrullayev PISA 2025- Şagirdlərin Qiymətləndirilməsi üzrə Beynəlxalq Proqramının nəticələrinin təqdimatı zamanı bildirib.
Nazir həmçinin bildirib ki, Azərbaycan PISA tədqiqatında əvvəlki illərdən fərqli olaraq 2025-ci ildə ölkə üzrə iştirak edib: “2018 və 2022-ci illərdə isə qiymətləndirmədə yalnız Bakı şəhərinin məktəbləri iştirak edib.
Riyaziyyat üzrə nəticələrə əsasən, Azərbaycan 49-cu yerdə qərarlaşıb. Bakı şəhəri isə 29-cu pillədə yer alıb. Bakı məktəblərinin riyaziyyat üzrə göstəricilərində son illərdə nəzərəçarpacaq artım qeydə alınıb. Belə ki, Bakı şəhərinin nəticəsi 2018-ci ildə 420 bal, 2022-ci ildə 397 bal olduğu halda, 2025-ci ildə 460 bala yüksəlib.
Beləliklə, Bakı şəhərinin göstəricisi 2022-ci illə müqayisədə 63 bal artıb.
E.Əmrullayev qeyd edib ki, əldə olunan nəticələr Azərbaycanın riyaziyyat üzrə bir sıra ölkələri geridə qoyduğunu göstərir: “Azərbaycanda riyaziyyat təhsilinin ənənələri və məktəbi kifayət qədər güclüdür və son nəticələr bu istiqamətdə müsbət dinamikanın olduğunu nümayiş etdirir”.
Ayhan
12:05 08.09.2026
Oxunuş sayı: 50
