Dünya fond bazarlarında eniş davam edir
Oktyabrın 23-də dünya fond bazarlarında qarışıq dinamika müşahidə olunsa da, əsas indekslərin əksəriyyəti geriləyib. ABŞ-da bütün aparıcı indekslər ucuzlaşıb, Avropada əsasən eniş, Asiya-Sakit okean regionunda isə fərqli istiqamətlərdə dəyişikliklər qeydə alınıb.
Crossmedia.az xəbər verir ki, ABŞ-da “Dow Jones” indeksi 652,82 bənd və ya 1,23% azalaraq 52 215,16 bəndə düşüb. “S&P 500” indeksi 39,75 bənd və ya 0,52% geriləyərək 7 623,68 bəndə, “Nasdaq Composite” indeksi isə 53,52 bənd və ya 0,21% azalaraq 25 955,34 bəndə enib.
“NYSE Composite” indeksi 158,26 bənd və ya 0,65% geriləyərək 24 117,27 bənd, Kanadanın “S&P/TSX Composite” indeksi isə 185,27 bənd və ya 0,52% azalaraq 35 788,18 bənd təşkil edib.
Avropa fond bazarlarında da əsasən mənfi dinamika qeydə alınıb. “Euro Stoxx 50” indeksi 18,79 bənd və ya 0,31% azalaraq 6 068,22 bəndə, Böyük Britaniyanın “FTSE 100” indeksi 34,67 bənd və ya 0,32% geriləyərək 10 690,36 bəndə düşüb.
Almaniyanın “DAX” indeksi 190,10 bənd və ya 0,75% azalaraq 25 181,65 bənd, Fransanın “CAC 40” indeksi 28,44 bənd və ya 0,36% geriləyərək 7 782,82 bənd olub. İspaniyanın “IBEX 35” indeksi isə 76,30 bənd və ya 0,40% artaraq 18 989,80 bəndə yüksəlib.
Asiya-Sakit okean regionunda qarışıq dinamika müşahidə olunub. Yaponiyanın “Nikkei 225” indeksi 214,68 bənd və ya 0,34% azalaraq 62 693,16 bəndə, “TOPIX” indeksi 31,69 bənd və ya 0,79% geriləyərək 3 965,81 bəndə düşüb.
Honq-Konqun “Hang Seng” indeksi 158,69 bənd və ya 0,69% artaraq 23 093,37 bəndə, Çinin “CSI 300” indeksi isə 69,03 bənd və ya 1,71% yüksələrək 4 105,33 bəndə çatıb.
Avstraliyanın “S&P/ASX 200” indeksi 0,02% artaraq 8 795,23 bənd, regionun ümumi “MSCI AC Asia Pacific” indeksi isə 0,05% yüksələrək 258,82 bənd təşkil edib.
Fond bazarlarındakı eniş əsasən Yaxın Şərqdə gərginliyin artması, neftin bahalaşması, inflyasiya risklərinin güclənməsi və süni intellekt sektoruna yatırılan investisiyaların gəlirliliyi ilə bağlı narahatlıqlarla əlaqədardır.
09:00 24.10.2026
Oxunuş sayı: 55
