Xarici xəbərlər

Norveç sərhədindəki hərbi addım Moskvada narahatlıq yaratdı

Rusiya Norveçin sərhəd yaxınlığında ABŞ raketlərinin yerləşdirilməsinə qabaqlayıcı cavab verə bilər.

Crossmedia.az xəbər verir ki, Rusiya Dövlət Dumasının Müdafiə Komitəsinin üzvü Andrey Kolesnik bu barədə “Abzas”a açıqlamasında bildirib.

Kolesnik Rusiyanın öz təhlükəsizliyini təmin etmək üçün bütün mümkün tədbirlərə əl atacağını deyib. O, konkret qabaqlayıcı addımların nədən ibarət olacağına isə ölkənin ali baş komandanının qərar verəcəyini bildirib.

Bundan əvvəl Rusiyanın Oslodakı səfiri Nikolay Korçunov Norveçin avqustun sonunda Rusiya sərhədində artilleriya divizionu yerləşdirdiyini açıqlamışdı. Diplomatın sözlərinə görə, bölməyə atış məsafəsi 40 kilometrədək olan 4 Cənubi Koreya istehsalı K9 özüyeriyən artilleriya qurğusu daxil olub.

Daha 40 K9 qurğusunun 2028-ci ilin sonunadək “Finnmark” briqadasına verilməsi planlaşdırılır.

Rusiya prezidentinin mətbuat katibi Dmitri Peskov isə Norveçin sərhəddə hərbi imkanlarını artırmasını Rusiyanın təhlükəsizliyinə təhdid adlandırıb.

Mövzular:

Norveç Rusiya Nikolay Korçunov Dmitri Peskov Finnmark Andrey Kolesnik Rusiya Dövlət Duması ABŞ

🖨 Çap et

21:54 07.09.2026

Oxunuş sayı: 49