Xarici xəbərlər

Gözlənilməz partlayış böyük faciəyə səbəb oldu

Meksikanın Meksiko ştatında dini festival zamanı pirotexniki materialın partlaması nəticəsində azı 10 nəfər ölüb, 64 nəfər yaralanıb.

Crossmedia.az xəbər verir ki, “Associated Press” bu barədə məlumat yayıb.

Hadisə sentyabrın 5-i axşam saatlarında Temascalcingo bələdiyyəsindəki Nuestra Señora de la Luz kilsəsinin yaxınlığında baş verib. Yüzlərlə insan dini festival çərçivəsində təşkil olunan atəşfəşanlığı izləməyə hazırlaşarkən partlayış baş verib.

Partlayış nəticəsində divarlardan biri uçub. Yaralananlar arasında iki keşişin də olduğu bildirilir.

Hadisənin dəqiq səbəbi hələ müəyyən edilməyib. Meksiko ştatının Baş Prokurorluğu insidentlə bağlı araşdırmaya başlayıb.

Temascalcingo Meksiko şəhərindən təxminən 160 kilometr şimal-qərbdə yerləşir. Meksikada pirotexniki vasitələrdən dini və küçə festivalları zamanı geniş istifadə olunur.

Mövzular:

Meksiko ştatı Temascalcingo Baş Prokurorluğu Nuestra Señora de la Luz kilsəsi dini festival Partlayış 160 kilometr

🖨 Çap et

10:03 07.09.2026

Oxunuş sayı: 43