Ukrayna PUA-sının hücumunda bir nəfər öldü, biri yaralandı
Ukrayna Silahlı Qüvvələrinin Belgorod vilayətinə hücumu nəticəsində bir dinc sakin ölüb, bir nəfər isə ağır yaralanıb.
Crossmedia.az xəbər verir ki, Belgorod vilayətinin operativ qərargahı “Мaks” messencerində bu barədə məlumat yayıb.
Məlumata görə, Qrayvoron dairəsinin Qolovçino kəndində Ukrayna PUA-sı avtomobili hədəfə alıb. Hücum nəticəsində avtomobildə olan kişi aldığı xəsarətlərdən hadisə yerində ölüb.
Sərnişin qadın qarın nahiyəsindən deşici yara, qollarından açıq sınıqlar və çoxsaylı qəlpə yaraları alıb. O, ağır vəziyyətdə Borisov Mərkəzi Rayon Xəstəxanasına çatdırılıb.
Bundan əvvəl Belgorod vilayətində PUA-nın avtomobilə hücumu nəticəsində bir qadının öldüyü bildirilmişdi. Kişi isə kəllə-beyin travması ilə Oktyabr Rayon Xəstəxanasına aparılmış, ilkin tibbi yardımdan sonra Belgorod şəhər 2 saylı xəstəxanasına göndərilmişdi.
Bundan bir gün əvvəl isə Ukrayna PUA-sının Belgorod vilayətində müəssisəyə məxsus avtobusa hücum etdiyi açıqlanmışdı. Hücum zamanı ayaqlarından çoxsaylı qəlpə yaraları alan kişi Volokonovka Mərkəzi Rayon Xəstəxanasına yerləşdirilmişdi.
Bundan əvvəl Rusiya Silahlı Qüvvələrinin Xersonda Ukrayna Silahlı Qüvvələrinin PUA-lar üzrə elit bölməsinə məxsus anbarı məhv etdiyi bildirilib.
09:26 06.09.2026
Oxunuş sayı: 47
