Xarici xəbərlər

SEPAH qərarını açıqladı: razılaşmasalar, boğaz açılmayacaq

İran İslam İnqilabı Keşikçiləri Korpusu (SEPAH) ABŞ-ın Tehranın şərtlərini qəbul etməyəcəyi təqdirdə Hörmüz boğazının açılmayacağını açıqlayıb.

Crossmedia.az xəbər verir ki, SEPAH bu barədə bəyanat yayıb.

Bəyanatda Hörmüz boğazının İranın nəzarətində olduğu və Fars körfəzində ABŞ-a məxsus hərbi gəminin qalmadığı bildirilib. SEPAH-ın məlumatına görə, xarici hərbi gəmilər boğazdan ən azı 400 kilometr uzaqlaşıb.

Qeyd olunub ki, təxminən bir ay əvvəl İran Omanla danışıqlara başlayıb və boğazın sularından istifadə və əldə olunan gəlirlərin bölüşdürülməsi ilə bağlı razılığa gəlib.

SEPAH bildirib ki, ABŞ maneələri aradan qaldıraraq qarşılıqlı anlaşma memorandumuna qayıdarsa, razılaşdırılmış şərtlər çərçivəsində boğazdan gəmiçiliyin bərpası mümkün olacaq.

Bəyanatda vurğulanıb ki, İranın şərtləri qəbul edilmədiyi halda Hörmüz boğazı açılmayacaq.

🖨 Çap et

17:43 26.08.2026

Oxunuş sayı: 40